Wasiir ku xigeen cusub oo loo magacabaay Ganacsiga iyo Warshadaha

Muqdisho — Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa Wasiir-ku-xigeenka Wasaaradda Ganacsiga iyo Warshadaha u magacaabay Mudane Cismaan Maxamed Cabdi oo ku magac dheer Cismaan Daallo.

Ra’iisul Wasaaraha ayaa Wasiir-ku-xigeenka cusub kula dardaarmay inuu si hufan oo xilkasnimo leh u guto waajibaadka shaqo ee loo igmaday, isagoo Alle uga baryay inuu ku asturo mas’uuliyadda loo dhiibay iyo u adeegidda shacabka Soomaaliyeed.

Magacaabistan ayaa ku soo beegmaysa kaddib markii Xildhibaan Maxamuud Cabdullaahi Axmed (Abuukaate) uu iska casilay xilkii Wasiir-ku-xigeenka Wasaaradda Ganacsiga iyo Warshadaha.