Muqdisho — Urur-siyaasadeedka Caddaaladda iyo Wadajirka (JSP) ayaa kaarka musharraxnimada guddoonsiiyay Mudane Cabdiweli Ibraahim Garyare, oo ah musharraxa rasmiga ah ee ururka ugu tartamaya xilka Hoggaamiye Ku-xigeenka Dowlad Goboleedka Galmudug.
Munaasabadda kaarka lagu guddoonsiinayay musharraxa ayaa lagu qabtay xarunta dhexe ee ururka JSP, waxaana ka qaybgalay Xoghayaha Guud ee ururka, Dr. Xuseen Sheekh Maxamuud, xubno ka tirsan Guddiga Fulinta ee JSP, wasiirro, xildhibaanno, iyo xubno kale oo ka tirsan ururka iyo taageerayaashiisa.
Guddoonsiinta kaarka musharraxnimada ayaa muujinaysa in Cabdiweli Ibraahim Garyare uu yahay musharraxa rasmiga ah ee JSP u metelaya tartanka xilka Hoggaamiye Ku-xigeenka Dowlad Goboleedka Galmudug.
From the comments