Madaxweyne Xasan Sheekh oo Ka Qaybgalay Munaasabadda 64-aad ee Xorriyadda Uganda

Published October 24, 2026 - Updated October 24, 2026

Akhris 1 daqiiqo ah

Muqdisho, Soomaaliya – Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa ka qaybgalay munaasabadda lagu xusayay sannad-guurada 64-aad ee Xorriyadda Jamhuuriyadda Uganda, taas oo lagu qabtay magaalada Muqdisho.

Madaxweynaha ayaa hambalyo u diray Madaxweynaha Uganda, Mudane Yoweri Museveni, iyo shacabka dalkaas, isaga oo mar kale adkeeyay saaxiibtinimada soo jireenka ah iyo iskaashiga xooggan ee ka dhexeeya Soomaaliya iyo Uganda.

Madaxweyne Xasan Sheekh ayaa sidoo kale bogaadiyay taageerada muddada dheer ee Uganda ay u fidinaysay Soomaaliya, gaar ahaan dadaallada lagu xaqiijinayo nabadda iyo xasilloonida dalka.

Madaxweynaha ayaa xusay doorka muhiimka ah ee Uganda ay ka qaadatay garab-istaagga Soomaaliya xilliyadii ugu adkaa ee taariikhda dhow, taas oo muujinaysa xiriirka walaaltinimo iyo iskaashiga labada dal.

Munaasabaddan ayaa muujinaysa xiriirka diblomaasiyadeed ee Soomaaliya iyo Uganda iyo sida ay uga go’an tahay labada dal sii xoojinta iskaashiga dhinacyada nabadda, amniga iyo xiriirka labada shacab.

Madaxweyne Xasan Sheekh oo Ka Qaybgalay Munaasabadda 64-aad ee Xorriyadda Uganda

Ka hel Goobjoog wixii cusub.

From the comments