Wararka Caalamka

Wararka ka imanaya Itoobiya ayaa sheegaya in iska horimaadyo hubeysan ay ka dhaceen gobolka Canfarta (Afar), halkaas oo ay isku dhaceen ciidamada dowladda Itoobiya iyo dagaalyahanno lala xiriirinayo Jabhadda Xoreynta Dadka Tigray (TPLF).

Shirkadda diyaaradaha Itoobiya ee Ethiopian Airlines ayaa si ku-meel-gaar ah u hakisay dhammaan duulimaadyadii ay ku tagi jirtay magaalooyinka Mekelle, Axum iyo Shire ee gobolka Tigray, iyadoo shirkaddu ku sababaysay go’aanka “xaaladda hadda ka jirta gobolka Tigray.”

Pakistan ayaa heshiis cusub oo dhinaca diyaaradaha aan duuliyaha lahayn (drones) ah la gashay shirkadda Maraykanka ee Powerus, taas oo ay maal-gashadaan Eric Trump iyo Donald Trump Jr, oo ah labada wiil ee waaweyn ee Madaxweynaha Maraykanka Donald Trump.

Mareykanka iyo Iiraan ayaa magaalada New York ku yeeshay wada-hadallo diblomaasiyadeed oo loo marayo dhexdhexaadiyayaal, xilli dadaallo lagu doonayo in lagu soo afjaro dagaalka labada dhinac iyo in dib loo furo Marinka Hormuz ay socdaan.

Madaxweynaha Koonfurta Suudaan, Salva Kiir Mayardit, ayaa kala diray xukuumaddii midnimada ku-meelgaarka ahayd, isagoo magacaabay maamul ku-meelgaar ah xilli dalka uu isu diyaarinayo doorashadii ugu horreysay ee qaran.

Uganda ayaa si degdeg ah u hakisay dhammaan iskaashigii dhinaca difaaca iyo milatariga ee ay la lahayd Türkiye, kadib markii uu sii xoogaystay khilaaf u dhexeeya labada dal ayaa salka ku haya Fred Kajubi Lumbuye, oo ah qoraa iyo falanqeeye siyaasadeed oo yugaandhays ah oo muddo ku noolaa Türkiye, isla markaana si weyn u dhaliila dowladda Madaxweyne Yoweri Museveni.

Wasiirrada Arrimaha Dibadda ee dalalka ku bahoobay G7 ayaa ugu baaqay Xuutiyiinta Yemen inay si degdeg ah u joojiyaan weerarrada ay ka fulinayaan gudaha Sacuudiga, xilli ay sii kordhayaan xiisadaha ka taagan gobolka Bariga Dhexe.

21-ka Sebtembar sannad kasta waxaa dunida laga xusaa Maalinta Caalamiga ah ee Nabadda (International Day of Peace), oo ay Qaramada Midoobay u asteeysay in lagu xoojiyo dadaallada nabadda, wada-hadalka iyo joojinta colaadaha ka dhex jira bulshooyinka iyo dalalka.

God dahab laga qodo oo ku yaalla waqooyiga Suudaan ayaa dumay, waxaana ku dhintay ugu yaraan 10 qof, halka 21 qof oo kale ay ku dhaawacmeen, sida ay sheegeen dad ka badbaaday shilkan.

Toddobo kooxood oo hubeysan oo Itoobiyaan ah ayaa ku dhawaaqay inay sameysteen isbahaysi cusub oo ay ku mideysan yihiin, xilli kooxahan ay horey uga dhexeeyeen khilaafaad iyo dagaallo, iyagoo sheegay inay doonayaan inay si wadajir ah uga shaqeeyaan sidii meesha looga saari lahaa dowladda Ra’iisul Wasaaraha Itoobiya, Abiy Axmed, isla markaana loo dhisi lahaa dowlad ku-meel-gaar ah oo loo dhan yahay.