Maamulka deegaanka Ceel-garas ee gobalka Gal-gaduud ayaa waxba kama jiraan ku sheegay in deegaankaasi iyo deegaano kale oo gobalka ka mid ah ay isaga baxeen ciidamo Itoobiyaan ah.
Gudoomiyaha Maamulka Deegaankaasi Xasan Daahir Sheekh Ciise oo u waramayay Goob-joog FM ayaa sheegay in Ciidamadu aysan ka bixin deegaanadii ay ka joogeen Gobolka Gal-gaduud, isagana uu ku sugan yahay deegaanka uu gudoomiyaha ka yahay.
“Waxba kalama soconno, ciidamada Itoobiya meelo badan ayeey gobalka ka joogeen meel walba sidooda ayeey u joogaan, waxayna iskaashi ciidan la leeyihiin kuwa dowladda Federaalka, wax isbedalayna malahan” ayuu yiri gudoomiyaha.
From the comments