Maamulka Degmada Afgooye Oo Amar Ku Bixiyay In La Baneeyo Goobaha Danta Guud Ee Degmadaasi

Maamulka degmada Afgooye ee gobalka Shabellaha Hoose ayaa amar ku bixyay in dadka shacabka ah iyo ganacsatada ay degdeg ku baneeyaan goobaha danta guud.

Muxudiin Muuse oo ah xoghayaha maamulkaasi ayaa sheegay in maamulkaan uu yahay mid ka duwan kuwii hore, islamarkaana lala xisaabtamayo, sidaa darteedna looga baahan yahay shacabka in shuruud la’aan ay ku baneeyaan xarumahaasi.

“Anaga waxaan nahay maamul ka duwan kii hore, Koonfur Galbeed ayaa na amarto, waxaa nala dabataagan yahay waa xisaab, sidaa darteed waxaan dadka fareynaa inay baneeyaa goobaha danta guud ah, hadii kale si awood ah ayaa looga saari doonaa” ayuu yiri Xoghayaha degmada Afgooye.