Ciidamada Jabuuti ee Hiiraan oo Maalinta Xornimada Darteed ku Deeqey Qalab

Ciidamada nabad illaalinta midoowga Afrika ee ka socda dalka Jabuuti ee ku sugan magaalada Baladweyne ayaa dad beeraley ah siiyey qalab beeraha lagu qoto munaasabadda 38 guuradii kasoo wareegtey maalintii ay xornimada qaadatay Jabuuti.

Waxaa qalabka guddoomey guddoomiyaha gobolka Hiiraan Cabdifataax Xasan Afrax , waxaana qalabka wareejiyey taliyaha ciidamada Jabuuti ee halkaasi Col. Cusmaan Dubbad.

Qalabka ayaa isugu jirey gaadiidka cagaf cagafta ee lagu carrogadiyo beeraha iyo waliba qalab kale oo beeraha lagu qodo.