Abaar Laga Soo Sheegayo Deegaanno Ka Mid Ah Somaliland

Deegaanno ka mid ah Somaliland ayaa laga soo sheegayaa in xilligaan ay ka jirto abaar baahsan, taasi oo saameyn ku yeelatay dadka iyo duunyada.

Deeganada Galbeed ee Somaliland ayaa abaarta ugu daran haatan ay ka taagan tahay, waxaana la sheegayaa in dadka aysan haysan biyo ay cabaan iyo raashin ay cunaan.

Wasiirka wasaaradda Qorsheynta Somaliland Sacad Cali Shire oo ka mid ah guddi loo xilsaaray in ay soo kormeeraan abaaraha ka jira deegaanada maamulkaasi ka taliyo ayaa sheegay in xaaladda ay taagan tahay meel halis ah.