Koox burcad badeed ah oo dhawaan qafaashay shaqaale Iran u dhashay iyo markab ay la socdeen ayaa Goobjoog News, kaga warbixiyay sababta ku kalliftay in dadkaasi qafaashaan.
Khaliif Cismaan Karani oo ka mid ah Kooxda haysata shaqaalahaan ayaa sheegay in ay hayeen Laba Markab oo Kallumeysi ah iyo shaqaale la socday, balse mid ka mid ah uu baxsaday, horayna u wateen Afar qof oo ka mid ahaa ragii wax afduubtay.
Waxa uu sheegay sababta ugu weyn ee maraakiibtaasi iyo shaqaalaha saaran u qabsadeen ay tahay in dhibaato weyn ay kala kulmeen Kallumeysatada Soomaaliyeed oo rasaas iyo wax la mid ah kusoo ridaan xilliga badda la galo, sidaa darteedna ay go’aan ku gaareen in ay qabtaan doon walba oo badda kusoo xad gudubta.
From the comments