Gudoomiyaha Gobalka Hiiraan Oo Ku Baaqay In La Furo Suuqyada Xaafad Ka Tirsan B/weyne Oo Lagu Dagaallamay

Published December 25, 2015

Akhris 2 daqiiqo ah

Gudoomiyaha gobalka Hiiraan Yuusuf Axmed Hagar Daba-geed ayaa ku baaqay in si shuruud la’aan ah lagu furo suuqyada xaafadda Howlwadaag ee magaalada Baladweyne, kuwaasi oo ku xirmay dagaalladii dhawaan ka dhacay halkaasi.

Waxa uu sheegay in Labada beel laga doonayo inay aqbalaan in si nabadda horay loogu qaado in la furo suuqyada, shacabka u sheegeen in xaafadda ay kusoo laabatay jawi deggan.

Sidoo kale Daba-geed ayaa sheegay in xaafadda howlwadaag mamnuuc ay ka tahay in lagu dhex qaato hub aan ahayn midka ay wataan ciidamada dowladda iyo kuwa AMISOM ee halkaasi ku sugan.

“Waxaan ku baaqayaa in dib loo furo suuqyada, goobaha ganacsi ee xaafadda Howlwadaag, dagaalladii dhacay waa laga heshiiyay, waana in nabadda la ogaadaa inay tahay midda dadka oo dhan deeqda” ayuu yiri Gudoomiyaha gobalka Hiiraan.

Xafaadda Howlwadaag ee magaalada Baladweyne waxaa ku dhawaad Shan maalin ku dagaallamaya ciidamo qaab beel u abaabulan, inkastoo ugu dambeyn la kala dhex galay heshiisna la dhex dhigay.

Goobjoog News

Gudoomiyaha Gobalka Hiiraan Oo Ku Baaqay In La Furo Suuqyada Xaafad Ka Tirsan B/weyne Oo Lagu Dagaallamay

Ka hel Goobjoog wixii cusub.

From the comments