Afar qof oo Soomaali ah ayaa lagu xukumay magaalada Mandhera

Published February 6, 2016 - Updated February 6, 2016

Akhris 1 daqiiqo ah

Afar qof oo Soomaali ah ayaa lagu xukumay magaalada Mandhera kadib markii lagu helay in ay wateen warqado socdaal been abuur ah, iyagoo rabay in ay ku galaan magalada Nairobi.

Soomaalidan ayaa lagu qabtay gudaha Airporka magaalada Mandheera oo ah magaalo ku taalla xadka Soomaaliya iyo Kenya inta aanay u safrin Nairobi.

Afartan qof oo magacyadooda lagu sheegay Sakariye Abdullah Ahmed, Abdikadir Sharrif Abdinoor, Ubah Abdirahman Hassan iyo Fadumo Anshur Mohamed ayaa lagu ganaaxay lacag dhan $5500 ama toban sano oo xarig ah.

Afartaba waxaa ay dambiyadooda ka hor qirteen maxkamadda degmada, iyagoo sheegay in Ducumentiyada laga gaday si ay ugu galaan magaalada Nairobi.

Ubax Cabdiraxmaan Xasan ayaa sheegtay in warqadahaas ay ka iibiyeen qolo muqalasiin”ah waxaa I qiyaanay qof iigu sheegay in warqadahan aan si nabad ah ugu geli karo magaalada Nairobi, haddana waxaa codsanayaa in la ii daayo, oo dib la iigu celiyo Soomaaliya”.

Afar qof oo Soomaali ah ayaa lagu xukumay magaalada Mandhera

Ka hel Goobjoog wixii cusub.

From the comments