WAR DEG DEG AH:- Dagaal u Dhaxeeya Ciidamada Puntland Iyo Al-shabaab Oo Ka Billowday Gobolka Nugaal

Wararka naga soo gaaraya gobolka Nugaal ayaa ku waramaya in dagaal u dhaxeeya ciidamada maamulka Puntland iyo Al-shabaab uu ka billowday duleedka deegaanka Garmaal ee gobalkaasi.

Dagaalkan ayaa ka socda deegaan magaciisa lagu sheegay Suut oo ku dhaw deegaanka Garmaal, waxaana weerarka dagaalka lahaa sida la sheegay ciidanka Puntland.

Lama oga khasaaraha ka dhashay dagaalka, waxaase la maqlayaa rasaas aad u xooggan, iyadoo ciidanka Puntland ay jareen Isgaarsiintii deegaanka Garmaal iyo deegaannada kale ee ku dhaw.

Ciidamada Puntland oo lasoo abaabulay ayaa habeenkii xalay ahaa waxay ku hoydeen meel ku dhow deegaanka Garmaal ee gobolka Nugaal iyaga oo saakana ku jarmaaday halkii ay ku sugnaayeen ciidamada Al-shabaab.

Warkaan wixii kusoo kordha kala soco wararkeena kale

Goobjoog News