Midowga Yurub Oo Qorsheenaya Inuu Dhimo Lacagaha Ay Ku Taageeraan Ciidamada Burundi Ee Ku Sugan Soomaaliya

Midowga Yurub ayaa qorsheynaya lacagaha tirada badan ee ay siinayaan ciidamada Burundi ee jooga Soomaaliya inay dhimaan iyaga oo cadaadis uga dhigaya madaxweynaha dalkaasi Nkurunziza burundi si uu wada hadallo ula furo mucaaradka dalkaasi iyadoo laga cararayo in dalkaasi ay ka dhacaan rabshado siyaasadeed.

Lacagtaan la siiyo ciidamada Burundi ee AMISOM uma sii socon karto sida ay hadda tahay, sidaasina waxaa sheegay ilo Diblomaasiyiin Midowga Yurub u hadlay.

Dowladda Burundi waxaa Soomaaliya ka jooga 5,400 (Shan Kun Iyo Afar Boqol) oo ciidan ah, kuwaa oo si toos ah u hoostaga AMISOM.