Dowladda Azerbaijan Oo Xaqiijisay In Haweeney Kasoo Jeedda Dalkeeda Ay Ku Geeriyootay Weerar Shalay Ka Dhacay Muqdisho

Safaaradda dalka Azerbaijan uu ku leeyahay magaalada Ankara ee caasimadda dalka Turkiga ayaa lagu xaqiijiyay in haweeney u dhalatay dalkaasi iyo carruur ay dhashay ay ku jireen dadkii waxyeelladu soo gaartay.

Dalka Azerbaijan wuxuu xaqiijiyay inay geeriyootay haweeneydaasi halka dhaawac uu soo gaaray labo carruur ah oo ay dhashay, kuwaasoo hadda lagu dabiibayo Isbitaal ku yaalla magaalada Muqdisho.

Sida ay qorayaan warbaahinta dalka Turkiga waxaa xaaladdiisa ay aad u liidataa aabbaha dhalay carruurtaasi oo xaalad degdeg ah galay marka loo sheegay in xaaskiisa geeriyootay ilmihiisana ay dhaawac yihiin.