Dadk Ku Dhintay Roob Ka Da’ay Gobolka Sool
Sheeko:Dalka
Roob daad wata ayaa ka da’ay deegaanno ka mid ah gobolka Sool kuwaasi oo sababay khasaare isugu jira dhimasho iyo burbur hantiyeed.
Roobabkan waxay xooggooda ka da’een degmada Taleex ee gobolka Sool, waxaana la xaqiijiyey in Labo qof ay geeriyootay.
Mid ka mi dadka ku dhaqan degmada Taleex oo la hadlay Goobjoog News ayaa sheegay in dadka geeriyooday uu kusoo dumay gurigooda, taasina ay sababtay inay dhintaan.
In ka badan 20 guri ayaa la xaqiijiyey inay ku dumeen roobabkaasi oo daad xoogani ka dhashay.
Waxaa jarmay qaar ka mid ah waddooyinka gobolka Sool, qaarkood waddooyinkaasi waxaa ka qodmay boholo aad u waaweyn.
Goobjoog News