Wasiiro Ka Tirsan Xukuumadda Federaalka Oo Kormeeraya Xaaladda B/weyne
Wasiirro ka tirsan xukuumadda Soomaaliya ayaa magaalada Baladweyne u tegay sidii ay u soo indho-indheyn lahaayeen xaaladda dadkii ku barakacay fatahaadda iyo colaadda magaaladaasi ka taagan.
Wasiirradani waxaa kamid ah wasiirrada kala ah dhallinyarada, ciyaaraha iyo kan Patrolka, macdanta ee xukuumadda Soomaaliya, waxaana safarkooda ku wehlinaya masuuliyiin kale oo ka kala tirsan dowladda iyo AMISOM.
Safiirka dowladda Jabuuti u fadhiya dalka Dayib Dubad Rooble ayaa qeyb ka ah wafdigani ayaa saakay soo eegi doono xaaladda ay ku sugan yihiin dadkii magaalada ka barakacay.
Xukuumadda federaalka ayaa dhowaan sheegtay inay Baladweyne u dirayso wafdi soo indho-indheeya xaaladda ay ku nool yihiin qoysaska barakacayaasha ah ee ay saameeyeen fatahaadda wabiga iyo colaadda magaaladaasi.
Magaalada Baladweyne ee gobolka Hiiraan waxaa ku fatahay Wabiga Shabelle, iyadoo shacab badan ay magaalada ka barakaceen, sidoo kalena magaaladaasi waxaa ka dhacay dagaallo sababay khasaare kala duwan.
Shacabka Baladweyne ayaa hadda waxay yihiin kuwo u baahan gurmad dhan walbo leh.
Goobjoog News