Shirka Madasha Wadatashiga Qaran Oo Maalintii Labaad Ka Soconaya Baydhabo

Shirka madasha wadatashiga qaran ayaa maanta galaya maalintii Labaad iyadoo hoggaamiyeyaasha Soomaalida ay ka doodayaan hannaanka doorashada ee sanadkani 2016-ka.

Shirkani waxaa Baydhabo ka furay madaxweynaha Soomaaliya Xasan Sheekh maalintii shalay ahayd, waxaana uu sheegay in ahmiyad uu u leeyahay shirka dhismaha dowladda cusub.

Maamul gobaleedyada Dalka iyo wadamada daneeya arrimaha Soomaaliya ayaa ka qeyb galaya kuwaas oo qorshaha uu yahay inay isku waafaqaan doorashada sanadkani ka dhacaysa dalka.

Xildhibaanno ka tirsan baarlamaanka ayaa sidoo kale shirka qeyb ka ah iyo wakiillo matalaya goballada aan weli loo sameynin maamul gobaleedka Hiiraan iyo Shabeellaha Dhexe.

Maanta ayaa la filayaa in shirka ajandahiisa si toos ah loo guda galo, iyadoo qodobo ugu muhiimsan laga doodi doono.

Amniga magaalada Baydhabo oo uu shirka ka soconayo ayaa aad loo adkeeyay iyadoo la xadiyay isa socodka meelaha qaar ee magaaladaasi.

Warkaan wixii kusoo kordha kala soco wararkeena kale

Goobjoog News