Maraykanka Oo Sheegay Inay Xoojinayaan Taageerada Ay Siiyaan Ciidanka Xoogga Dalka Soomaaliya

Dowladda Maraykanka ayaa sheegtay in ay diyaar u tahay inay ballaariso taageerada ay siiso ciidanka xoogga dalka Soomaaliya kadib markii ay sheegteen inay hoos u dhacday qatartii Al-shabaab.

Waxa uu sheegay Maraykanka in uu sare u qaadayo xiriirka ay la leedahay wadamada geeska Afrika oo ay Soomaaliya ku jirto.

Stephen Schwartz oo ah safiirka cusub ee dowladda Maraykanka u soo magacawday Soomaaliya, islamarkaana shalay xilkaasi loo dhaariyey ayaa tilmaamay in muhiimad weyn ay tahay in la xoojiyo ciidanka xoogga dalka Soomaaliyeed iyo taageerada la siiyo.