Dalka
Maamulka magaalada Marka ee gobolka Shabellaha Hoose ayaa sheegay inay adkeyn doonaan amniga guud ee magaaladaasi oo maalmahan dambe gacan ku haynteeda dowladda iyo Al-shabaab isku dabamarayeen. Guddoomiyaha magaaladaasi Xasan…
Maamulka magaalada Marka ee gobolka Shabellaha Hoose ayaa sheegay inay adkeyn doonaan amniga guud ee magaaladaasi oo maalmahan dambe gacan ku haynteeda dowladda iyo Al-shabaab isku dabamarayeen.
Guddoomiyaha magaaladaasi Xasan Cumar Macallin oo u waramay Goobjoog News ayaa sheegay in mar dambe aanay dhici doonin in magaaladaasi ay la wareegaan Xarakada Al-shabaab.
Waxa uu tilmaamay inay sugi doonaan amniga guud ee Marka islamarkaana ciidamo ka badan kuwa hadda jooga la geyn doono Maagaaladaasi.
“Amniga Marka hadda aad buu u wanaagsan yahay, waxaan wadnaa dadaallo badan oo aan nabadda ku xaqiijianeyno, waxaan magaalada geyn donnaa ciidamo aad u badan oo suga amniga, sidoo kale ma dhici doonto in Marka ay mar kale la wareegaan Al-shabaab” ayuu yiri gudoomiyaha Marka.
Dhawaan waxaa magaalada Marka la wareegay ciidamo ka tirsan Xarakada Al-shabaab kuwaa oo muddo Labo cisho ah halkaasi haystay iyaga oo ugu dambeen faarujiyey magaaladaasi.
Goobjoog News
Goobjoog Newsletter
Warar iyo falanqayn, iimaylkaaga.
From the comments