Diiwaangelinta Dooraashada Somaliland Oo Ka Billaabatay Gobolka Sanaag

Deegaanno badan oo ka tirsan gobolka Sanaag waxaa ka billowday diiwaan gelinta cod bixiyeyaasha doorashooyinka Somaliland, iyadoo gobolkaasi ay tageen guddiga doorashooyinka ee maamulkaasi.

Degmooyinka kala ah Dhahar, Badhan iyo deegaanno kale oo aanay markii hore gaari jirin doorashada Somaliland ayaa sanadkaan la gaarsiiyey.

Dadka ayaa billaabay in ay qeyb ka qaataan is diiwaangelintaan, waxaana deegaannada diiwaangelinta ka socota la geeyay ciidamo Somaliland ah oo qaarkood laga keenay dhanka aagga degmada Buuahoodle oo difaacyo kaga jireen.