Dowladda Federaalka Oo Adkeysay Amniga Magaalada Muqdisho

Dowladda Federaalka Soomaaliya ayaa maanta si aad ah u adkeysay amniga guud ee magaalada Muqdisho, maadaama maanta magaalada uu ka furmayo  shir madaxeedka IGAD.

Magaalada oo dhan waxaa lagu soo daadiyey ciidamo isugu jira Booliis iyo Nabad sugid, iyadoo la xiray dhammaan waddooyinka Muqdisho.

Waxaan maanta magaalada Muqdisho ka shaqeyneyn gaadiidka dadweynaha iyo sidoo kale kuwa gaarka looleeyahay, meel walbana waxaa xiray ciidamada xitaa xaafadaha Muqdisho qaarkood.

Waxaa la arkayaa waddooyinka qaar shacab badan oo lugeynaya, iyadoo meelaha qaarna aan loo ogoleyn dadka shacabka ah.

Waxaa la arkayaa gaadiidka dagaalka ee dowladda oo gaaf wareegaya waddooyinka waaweyn ee magaalada Muqdisho.

Warkaan wixii kusoo kordha kala soco wararkeena kale

Goobjoog News