Booliiska K/Galbeed: Annagaa Damaanad Qaadeyna Amniga Goobaha Doorashooyinka

Published October 31, 2016

Akhris 1 daqiiqo ah

Taliska Booliiska maamulka Koonfur Galbeed ayaa sheegay in iyagu ay damaanad qaadayaan amniga guud ee goobha doorashooyinka ka dhacayaan ee maamulkaasi iyo sidoo kale musharraxiinta ku sugan Baydhabo.

Taliyaha Booliiska K/galbeed Maxamed Isaaq oo la hadlay Goobjoog News ayaa sheegay in dedaal badan ay ku bixinayaan sidii ay qaab nabadeed ugu dhici lahayd doorashooyinka la filayo iney ka dhacaan Baydhabo.

Waxa uu tilmaamay in shaqada ay ciidanka Booliiska hayeen lasii xoojiyey islamarkaana haatan ay u taagan yihiin xaqiijinta amniga dorashooyinka.

“Diyaar baan u nahay inaan sugno amniga guud ee musharraxiinta Koonfur Galbeed, sidoo kale waxaan sugeynaa amniga goobaha doorashooyinka annaga oo ka feejigan wax walbo, annaga ayaa damaanad qaadeyna amniga guug ee goobaha doorashooyinka” ayuu yiri Taliyaha.

Taliye Isaaq ayaa kula dardaarmey shacabka Koonfur Galbeed gaar ahaan kuwa Baydhabo iney u istaagaan la shaqeynta ciidamada amniga.

Magaalooyin badan oo dalka ah waxaa looga diyaargaroobayaan doorashooyinka aqalka hoose, iyadoo amniga uu yahay mid aad loo adkeeyey.

Goobjoog News

Booliiska K/Galbeed: Annagaa Damaanad Qaadeyna Amniga Goobaha Doorashooyinka

Ka hel Goobjoog wixii cusub.

From the comments