Degmada Maxaas: Barakacayaal u Baahan Gurmad Degdeg Ah

Published November 4, 2016

Akhris 1 daqiiqo ah

Maamulka degmada Maxaas ee gobolka Hiiraan ayaa ka deyriyey xaaladda nololeed ee dad barakacayaal ah oo ku sugan degmadaasi.

Guddoomiye ku xigeenka dhanka arrimaha bulshada ee degmada Maxaas Daahir Cali Maxamed oo la hadlay Goobjoog News ayaa sheegay in xaalad adag oo dhan nolosha ah ay ka jirto degmadaasi.

Waxa uu sheegay guddoomiye ku xigeenka in degmadaasi ay soo gaareen boqolala qoys oo kasoo barakacay gobolka Galgaduud iyo sidoo kale deegaanno ka tirsan gobolka Hiiraan, gaar ahaan deegaannadii ay faarujiyeen ciidamada Itoobiya.

Dadkaasi ayuu tilmaamay ineysan haysan meel ay ku hoydaan, raashiin, biyo iyo caafimaad intaba, wuxuuna ugu baaqey dhammaan dowladda Soomaaliya iyo hay’adaha samofalka ah in dadkaasi gurmad la gaaraan.

Horey degmada Maxaas ee gobolka Hiiraan waxaa ugu sugnaa qoysas Barakacayaal ah oo u baahnaa gurmad dhan walbo ah, iyadoo barakacayaashan cusub ay iyaguna ku biirayaan dadkii ku dhibannaa degmadaasi.

Goobjoog News

Degmada Maxaas: Barakacayaal u Baahan Gurmad Degdeg Ah

Ka hel Goobjoog wixii cusub.

From the comments