Donald Trump Oo Naftiisa La Badbaadiyay, Una Mahadceliyay Sirdoonka Mareykanka.

Murashaxa Republican-ka  Donald Trump ayaa loola cararay masraxa qeybtiisa dambe kadib markii loo cabsaday noloshiisa, sirdoonka Mareykanka ayaa tilaabadaas qaaday kadib markii ninkan nafsadiisa loo baqay.

Donald Trump waxaa uu xiligaas u khudbeynayey taageerayaasha oo isugu yimid Reno, Nevada ayaa waxaa si kadis ah masraxa u soo galay rag amniga ka socdo iyagoo Donald Trump la cararay, arrintaas oo shaki iyo buuq ku abuurtay dadkii meesha isugu yimid.

Booliiska ayaa la arkay iyagoo xiraya qof, iyagoo sheegay in aaney helin wax hub ah, lama sheegin sabab intaa dhaafsiisan.

Donald Trump waxaa la tartamayaa Hillary Clinton November 8, dadka Mareykanka ayaa dooran doona Madaxweynihii bedeli lahaa Obama.