Ra’iisul Wasaare Cumar “Federaalka Haddii Uu Dhib Keenay Inaan Dib u Fiirinno Waaye”

Published November 13, 2016

Akhris 2 daqiiqo ah

Ra’iisul wasaaraha xukuumadda Soomaaliya Cumar C/rashiid Cali Sharmaarke ayaa sheegay in dib u eegis lagu sameyn doono hannaanka federaalka ee Soomaaliya qaadatey.

Waxa uu sheegay in markii hore ay u heysteen in Federaalka uu dalka iyo dadkaba xasilooni buuxda u keenayo, balse waxa uu sheegay in haddii uu federaalka keenay in lagu dagaallamo muhiim inay tahay in Federaalka dib loo eego.

Ra’iisul wasaaraha oo ka hadlayey shirkii nabadeynta Gaalkacyo ayaa sidoo kale sheegay in Puntland iyo Galmudug looga baahan yahay iney ilaaliyaan heshiiskii la gaarey oo Gaalkacyo mar kale aaney ka dhicin dagaal.

“Sideedaba waxaan is lahayn nidaamka Federaalka dadku waa uu ku degayaa, laakiin haddii uu Federaalka uu xabad iyo dhib keenayo inaan iyada xitaa dib u fiirinno waaye, ayaan darro weeye wixii ka dhacay Gaalkacyo, meeshaan ma jiro ciidan Saddexaad oo meeshaan jooga, ciidamada hubka heysta waa Galmudug iyo Puntland iyagana waxaa laga rabaa iney amniga xakameeyaan oo meeshaan xabad dambe aaney ka dhicin” ayuu yiri Ra’iisul wasaare Cumar.

Soomaaliya ayaa qaadatey nidaamka Federaalka, waxaase jira siyaasiyiin badan oo aaminsan in xilligaan dalka aanu ku habooneen nidaam federaal ah.

Goobjoog News

Ra’iisul Wasaare Cumar “Federaalka Haddii Uu Dhib Keenay Inaan Dib u Fiirinno Waaye”

Ka hel Goobjoog wixii cusub.

From the comments