Diyaarad Ka Duushay Soomaaliya Oo Shil Ku Gashay Kenya

Diyaarad ka duushay Soomaaliya ayaa shil ku gashay garoonka diyaaradaha Jomo Kenyatta magaalada Nairobi ee dalka Kenya.

Wararka waxay sheegayaan in diyaaradan ay u bixi waayeen cagaha, waxaana saarnaa rakaab u badan Soomaali, iyadoo duuliyihii diyaaradda uu go’aansadey inuu dejiyo iyadoo aan wax cago ah usoo bixin.

Qoraal kasoo baxay maamulka Garoonka diyaaradaha ee Jomo Kenyatta ayaa lagu sheegay in diyaaradda dadkii saarnaa ay badqabaan, balse uu jiro burbur soo gaarey diyaaradda iyo qeyb kamid ah garoonka.