Dad xoolo dhaqato ah una badan reer Guuraa kana tagey deegaanno hoostaga degmada Caabudwaaq ee gobolka Galgaduud ayaa u naqraacay deegaanno ka tirsan gobolka Bari oo dhowaan roob uu ka da’ay.
Guddoomiyaha gobolka Bari Yuusuf Maxamed Wacays ayaa sheegay in habeen kahor ay gobolkaasi soo gaareen xoolo dhaqato kasoo barakacay abaaraha ka jira dalka, islamarkaana soo raadsaday deegaannada Puntland ee roobku uu ka da’ay.
Waxa uu sheegay in shacabkii kaga sii horreeyey deegaannada ay dadkani gaareen soo dhoweeyeen dadkaan, islamarkaana ay hadda yihiin kuwo dhul biyo ku hoorey degay.
From the comments