Dalka
Senator Abshir Maxamed Axmed(Bukhaari) ayaa maanta barakacayaal ku sugan galbeedka Cadaado u furey Iskuul ay caruurta wax ku bartaan. In ka badan 200 oo ardey ayaa loo diwaangeliyay in ay…
Senator Abshir Maxamed Axmed(Bukhaari) ayaa maanta barakacayaal ku sugan galbeedka Cadaado u furey Iskuul ay caruurta wax ku bartaan.
In ka badan 200 oo ardey ayaa loo diwaangeliyay in ay wax ku dhigtaan Iskuulka Maandeeq Academy oo ka kooban 3 fasal, waa iskuulka keliya ee goobta Kaam-ka ku yaallo.
Mishaarka Macalimiinta oo 5 ah, ardeyda waxbarashooda, buugaagta iyo dhar intaba waxaa gacan ka geystay Senetor Abshir Bukhaari.
Iskuulka Maandeeq Academy waxaa laga furay Kaamka Badbaado oo ku yaallo Galbeedka magaalada Cadaado, waxaana hal ku-dheg looga dhigey “Hogaamiyeyashii berito ayaa halkan wax ku barto”
Abshir Maxamed(Bukhaari) oo sidoo kale biyo geliyay goobta, waxaa uu caruur agoon ah u ballan-qaadey in uu guri u dhisi doono sida ugu dhaqsiyaha badan.
October 20, 2016: Mar uu Booqasho ku tagey xerada, waxaa uu Bukhaari ballan-qaadey in xerada u dhiso dugsi qur’aan iyo Iskuul ay caruurta wax ku bartaan, tiiyoo uu maanta fuliyay.
Abshir Maxamed Axmed, waa senator-kii ugu horeeyay ee Soomaaliya lagu doorto, isagoo ka mid ah Senetoradda Galmudug u matala aqalka sare ee baarlamaanka federaalka ah.
Goobjoog News,
Goobjoog Newsletter
Warar iyo falanqayn, iimaylkaaga.
From the comments