Ganacsatada ku sugan degmada Baardheere ee gobolka Gedo ayaa cabasho ka ah maamulka degmadaasi oo ay sheegeen in dhibaato ay kala kulmaan xilliga ay degmadaasi keenayaan alaabaha ganacsi ee dhanka Muqdisho iyo deegaannada kale ee dalka uga yimaada.
Ganacsatadan qaarkood uu lasoo xiriiray Goobjoog News waxay sheegeen in gaadiidka la marsiiyo baaritaanno amni xaqiijin ah, balse markii ay AMISOM baarto kadib ay gaadiidka hadane qabsadaan xubno ka tirsan maamulka degmada Baardheere si loo siiyo lacago laaluush ah waa sida ay hadalka u dhigeen.
Sidoo kale ganacsatadan ayaa tilmaamay in haddii dhibaatada lagu hayo howlahooda shaqo ay keeni karto in gabi ahaanba hakiyaan shaqooyinkooda, taasi oo saameyn ku yeelan karta shacabka ku dhaqan degmada Baardheere.
From the comments