In ka badan 30 qof ayaa ku geeriyootey deegaanka Masuubiyow oo qiyaastii 20 KM u jirta magaalada Baydhabo ee xarunta gobolka Baay, kadib markii ay dadkaasi cabeen biyo sumeysan.
Wariyaha Goobjoog News ee magaalada Baydhabo ayaa soo sheegaya in dadkaasi aanay Hal mar ku dhiman deegaankaasi, balse 48-kii saac ee lasoo dhaafay ay geeriyoodeen, waxaana jira dad gaaraya 20 qof oo iyaguna xaaladooda laga deyrinayo.
Dhammaan dadkani ayaa waxay cabeen biyo ku jirey warbiyood la sheegay in la sumeeyey, walow aan la ogeyn illaa hadda cidda sumeysay.
From the comments