Khasaare Ka Dhashay Dagaal Ka Dhacay Shabellaha Dhexe

Dagaal u dhaxeeyay ciidamada dowladda Federaalka Soomaaliya iyo kuwa Xarakada Al-shabaab ayaa maanta ka dhacay Tuulada Sabuun oo kamid ah Tuulooyinka hoostaga degmada Jowhar ee gobolka Shabellaha Dhexe.

Dagaalyahanno ka tirsan Xarakada Al-shabaab ayaa weerar ku qaadey ciidamo ka tirsan dowladda Federaalka, kuwaasi oo ku sugnaa tuuladaasi, waxaana halkaasi ka dhashay khasaare kala duwan.

Inta la xaqiijiyey waxaa dagaalkaasi ku geeriyooday askari ka tirsan ciidanka dowladda Federaalka Soomaaliya, iyadoo sidoo kale halkaasi ku dhaawacmeen 3 qof kale oo dhinacyadii dagaallamayey ah.