Maamulka Hirshabelle Oo Hirgelinaya Meello Lagu Keydiyo Biyaha

Maamulka Hirshabelle ayaa sheegay iney hirgelin doonaan meello lagu keydiyo biyaha si loo yareeyo khatarta ka dhalata biyo la’aanta.

Madaxweynaha maamulkaasi Cali Cabdullaahi Cosoble ayaa sheegay in maamulkiisa uu wado qorshe ballaaran oo lagu hirgelinayo nidaamyo casri ah oo lagu keydiyo biyaha, sidoo kalena waxa uu sheegay madaxweynaha iney hirgelinayaan shuruuc suurtagal ka dhigi doonta in laga faa’ideyso wax walbo oo laga dhallin kara tamarta.

“Si loo yareeyo khasaaraha ka dhasha biyo yaraanta, waxaa lala dagaallami doonaa luminta kheyraadka biyaha, waxaa la hirgelin doonaa nidaamyo casri ah oo lagu keediyo biyaha, sidoo kale waxaa la hirgelin doonaa nidaamyo iyo shuruuc suurtagelinaya ka faa’ideysiga tamarta laga helo dabaysha, qoraxda iyo nooc kasta oo loo dhalin karo tamarta” ayuu yiri madaxweynaha Hirshabelle.