Saraakiil Ka Tirsan Ciidanka Puntland Oo Ku Geeriyootey Shil Gaari

Published March 28, 2017

Akhris 1 daqiiqo ah

Saddex sarkaal oo ka tirsan ciidanka maamulka Puntland ayaa lagu soo waramayaa iney maanta ku dhinteen shil gaari.

Shil uu galay gaari ay la socdeen saraakiishan ayaa sababay iney dhintaan, waxaana shilkaasi lasoo sheegayaa sidoo kale iney ku dhaawacmeen askar Puntland.

Sadexdan sarkaal ee geeriyootay ayaa kala ah G/dhexe Maxamed Siciid Jaamuus oo ahaa la taliyaha UN-ka arrimaha ciidanka asluubta Puntland, kana tirsanaa ciidanka Daraawiishta ee maamulkaasi, G/dhexe Cawad C/raxmaan Guuleed Taliye xigeenkii hoggaanka ilaalinta cashuuraaha oo ka tirsan ciidanka Booliska Puntland iyo Gaashaanle dhexe Maxamuud Cabdi Jaamuus oo ahaa kaaliyaha maxkamada ciidamada qalabka sida kana tirsanaa Ciidanka Booslika Puntland.

Saraakiishan ayaa shilka galay xilli ay ka yimaadeen deegaanka Carmo kuna soo jeedeen magaalada Garoowe, waxaana gaarigii ay wateen uu shilka ku galay deegaanka Dangoronyo ee gobolka Nugaal.

Saddexda sarkaal ee geeriyootey ayaa maanta waxaa aas loogu sameeyey magaalada Garoowe, iyadoo aaskaasi ay ka qeybgaleen madaxweynaha Puntland C/weli Gaas, ku xigeenkiisa iyo mas’uuliyiin kale.

Saraakiil Ka Tirsan Ciidanka Puntland Oo Ku Geeriyootey Shil Gaari

Ka hel Goobjoog wixii cusub.

From the comments