Wararka naga soo garaya garoonka diyaaradaha Aadan Cadde ee magaalada Muqdisho ayaa waxay sheegayaan in halkaasi ay goor dhow kusoo dhacday diyaarad nooca yar yar ee loo yaqaan Jet, taasi oo kasoo kacday sida la tilmaamay Balidoogle, Shabellaha Hoose.
Qof ku sugan garoonka Aadan Cadde ayaa u xaqiijiyey Goobjoog News, in diyaaraddan oo damacsaneyd iney soo degto ay dhacday, dabna uu ka kacay, haatanna kooxa dabdamiska ay ku mashquulsan yihiin daminteeda.
Sidoo kale goob joogahan ayaa inoo sheegay in diyaaradda ay la socdeen Saddex ruux, balse khasaaraha dadkaasi soo gaaray lama shaacin.
From the comments