Maamulka dowladda hoose ee magaalada Garoowe ayaa ka digey in la kala saaro lacagta shilin Soomaaliga ah, kadib markii ganacsatada magaaladaasi ay maalmahan bilaabeen iney lacagta kala soocaan.
Xoghayaha maamulka degmada Garoowe C/qafaar oo saxaafadda la hadlay ayaa sheegay iney la shirreen dhammaan ganacsatada ku sugan magaalada Garoowe ayna u sheegeen iney joojiyaan kala sooca lacagta.
Waxa uu tilmaamay xoghayaha inaanay sharci ahayn in la kala sooco lacagta, sidaasi darteedna wuxuu tilmaamay iney dhammaan ganacsatadii ay la shireen ay ammaradaasi qaateen.
From the comments