Khasaaraha Ka Dhashay Qaraxyadii Galabta Ka Dhacay Muqdisho

Warar dheeraad ah ayaa laga helayaa Labo qarax gaari oo gabal dhacii maanta ka dhacay magaalada Muqdisho, gaar ahaan ka kala dhacay banaanka Hotelka Naasa Hablood 2 ee degmada X/weyne iyo nawaaxiga taalada Daljirka Daahsoon.

Qaraxii ka dhacay Hoteelka Naasa Hablood 2 ee degmada X/weyne ayaa la xaqiijiyey iney ku dhinteen dad gaaraya 10 iyadoo dhaawaca uu intaasi ka badan yahay.

Wararku waxay sheegayaan in caawa rasaas laga dhex maqlayo gudaha Hoteelka Naasa Hablood, iyadoo weli hay’adaha ammaanka aanay faah fahinno bixin.

Isbitaallada magaalada Muqdisho waxaa loola cararay dadkii ku waxyeeloobay qaraxii Koowaad ee ka dhacay degmada X/weyne.

Ciidamada ammaanka ayaa howlgallo wada, iyadoo saraakiisha ammaanka ay sheegeen in howlgalka kadib ay saxaafadda fah fahin siin doonaan.

Warkaan wixii kusoo kordha kala soco wararkeena kale

Goobjoog News