Ra’iisul Wasaare Kheyre Oo Lagu Soo Dhoweeyay Magaalada Baydhabo

Ra’iisul wasaaraha xukuumadda Federaalka Soomaaliya Xasan Cali Kheyre iyo wafdi uu hoggaaminayo ayaa maanta gaaray magaalada Baydhabo ee xarunta gobolka Baay, halkaasi oo si heer sare ah loogu soo dhoweeyay.

Madaxeynaha maamulka K/galbeed Shariif Xasan Sheekh Aadan iyo mas’uuliyiin kale oo ka tirsan maamulkaasi ayaa Ra’iisul wasaaraha iyo wafdigiisa kusoo dhoweeyay garoonka diyaaradaha Baydhabo.

Waxaa lagu wadaa in Ra’iisul wasaaraha uu kulamo la qaato madaxda K/galbeed, sidoo kalena uu la kulmay qeybaha kala duwan ee bulshada.