Ciidamada Booliiska Oo Gacanta Ku Dhigay Waxyaabo Maanka Dooriya Iyo Raggii Isticmaalayey

Ciidamada Booliiska ee dowladda Federaalka Soomaaliya ayaa howlgal ay ka sameeyeen degmada Cabdicasiis ee magaalada Muqdisho waxay kusoo qabteen waxyaabo maanka dooriye, rag iibinayey iyo kuwo isticmaalayey.

C/fitaax Cumar Xalane, afhayeenka maamulka gobolka Banaadir ayaa sheegay in howlgalkaan uu dhacay habeenkii xalay ahaa, islamarkaana looga gol lahaa sidii waxyaabahaasi maanka dooriye iyo cid walbo oo ku lug leh gacanta lagu soo dhigi lahaa.

Wuxuu sheegay afhayeenka in dadkaan hadda lagu hayo xarunta dambi baarista ee CID, islamarkaana baaritaan kadib cadaalad la horkeeni doono.