Sawirro: Jawaari Iyo Guddoomiyeyaasha Baarlamaannada Puntland, Galmudug Iyo Hirshabelle Oo Gaaray Baydhabo

Magaalada Baydhabo ee xarunta gobolka Baay waxaa gaaray guddoomiyaha golaha shacabka ee baarlamaanka Federaalka Soomaaliya, Maxamed Sheekh Cismaan Jawaari, guddoomiyeyaasha baarlamaannada maamul goboleedyada Hirshabelle, Galmudug iyo Puntland.

Wafdigan gaaray Baydhabo waxaa sidoo kale kamid ah, guddoomiye ku xigeenka Labaad ee golaha shacabka Mahad Cabdalla Cawad iyo xildhibaanno ka tirsan golaha shacabka.

Guddoomiyaha baarlamaanka maamulka K/galbeed C/qaadir Shariif Sheekhunaa iyo mas’uuliyiin kale oo maamulkaasi ah ayaa wafdigan kusoo dhoweeyay garoonka diyaaradaha ee magaalada Baydhabo.