Madaxweynaha dowladda Federaalka Soomaaliya Maxamed C/laahi Maxamed Farmajo ayaa sheegay in 10 maalin gudahood ay magaalada Muqdisho soo gari doonaan ku dhowaad 100 maxaabiis oo muddo badan ku xirnaa dalka India.
Waxa uu sheegay Madaxweynaha in hadda qaarkood dadkaasi lagu guuleysytay in laga soo saaro xabsiga oo la dejiyo Hoteello, iyaga oo sugi doona maxaabiis kale oo lasoo deynayo si isku mar loo soo qaado.
“10 beri gudaheed waxaa iman doona dad gaaraya 100 oo an soo deynay oo qaar kamid ah kasoo saarnay xabsiyadii oo Hoteello deggan oo sugaya qeybkale oo soo socota si aan dalka ugu soo qaadno” ayuu yiri madaxweynaha.
From the comments