Xildhibaannada Xaniifa Xaabsade Iyo Cabdixakiin Macalin Oo Xukuumadda Ku Eedeeyay Faragelinta Golaha Shacabka

Published April 4, 2018 - Updated April 4, 2018

Akhris 2 daqiiqo ah

Xildhibaan Cabdixakiin Macalin Axmed oo ka mid ah Xildhibaannadii maanta tagay xarunta golaha shacabka ayaa ka hadlay wixii dhacay isaga oo ciidamada ku tilmaamay sharci darro

“Laga soo bilaabo Dabka ilaa iyo Daljirka-daahsoon inta ka dhaxeysa ayaa Xildhibaannadii looga reebay ciidankoodii ammaanka, sharciga waxaa uu ahaa Albaabka ayaan ku reebi jirnay, habdhowrihii Baarlamaanka lagalama heshiinin, madaxdii baarlamaanka lagalama heshiinin, hay’addii fulinta faro-gelin cad oo ay ku sameysay Xildhibaannada ayey aheyd”

Xildhibaan Cabdixakiin Macalin oo sii hadlaya waxaa uu yiri “Baarlamaanka waxaa ka jiray qorshe maamulka dabbaran oo laga soo shaqeeyay taasi oo aheyd in Baarlamaanka shaqadiisa laga hor istaago, maanta waxaa la rabay in Ajande mucayin ah laga soo saaro qaab mucayin ahna looga fakaro aad ayaan ug xunnahay habdhaqanka ceynkaas oo kale ah”.

Xaniifa Maxamed Ibrahim Xaabsade oo iyadana wax laga xumaado ku tilmaantay in ciidamo Soomaliyeed ay weeraraan xarunta golaha shacabka, xukuumaddana ay shaqo ka dhigato baarlamaanka.

Xaniifa oo arrintan ka hadleysa waxaa ay tiri “Madaxweynihii aan rabitaankeenna ku soo dooranay in uu raali ka yahay qalalaasahaan socda, in ciidamadii Soomaaliyeed oo loo tobabaray naba-diidka ay soo weerareen xarunta golaha Shacabka, wasiirradii aan shaqada u ansixinnay oo aan kalsoonida siinay waxaa ay shaqo ka dhigteen Baarlamaanka, madaxweyne Farmaajo aan ku dooranay rabitaanka Shacabka in uu ka soo bixi waayo waajibkii loo doortay uuna niyad jabiyey Shacabkii oo aan wax aan laga fileynin in lagala kulmay aad ayaan uga xumahay “.

Goobjoog News

Xildhibaannada Xaniifa Xaabsade Iyo Cabdixakiin Macalin Oo Xukuumadda Ku Eedeeyay Faragelinta Golaha Shacabka

Ka hel Goobjoog wixii cusub.

From the comments