Guddiga Gurmadka Fatahaadaha Oo Sheegay In Gargaar Geynayaan B/weyne

Guddiga gurmadka qaran ee fatahaadaha ayaa maanta yeeshay kulankoodii ugu horreeyey, waxaana ay ka hadleen sidii loogu gurman lahaa shacabka ay dhibaatada kasoo gaartay fatahaadda Wabiga Shabelle.

Ra’iisul wasaare ku xigeenka dalka, ahna guddoomiyaha guddiga Mahdi Maxamed Guuleed oo warbaahinta lahadlay kulankooda ka dib ayaa sheegay in xubnaha guddigan ay is xog wareysteen, islamarkaana la bilaabayo u gurmashada shacabka.

Waxa uu sidoo kale sheegay Ra’iisul wasaare ku xigeenka dalka, in la sameeyey Xiisaabaad lagu soo hagaajiyo lacagaha yabooha ah.