Dhageyso: Madaxweyne Farmaajo Oo Ka Hadlay Heshiiskii Uu La Galay Ra’iisul Wasaaraha Itoobiya

Madaxweynaha dowladda federaalka Soomaaliya, Maxamed C/laahi Maxamed Farmaajo ayaa wareysi uu siiyey warbaahinta dowladda waxa uu kaga hadlay arrimo badan oo xaaladda dalka ku saabsan.

Farmaajo ayaa ka hadlay arrinta ku saabsan heshiiskii uu Sabtidii lasoo dhaafay magaalada Muqdisho kula saxiixday Ra’iisul wasaaraha dalka Itoobiya Abi Axamed.

Waxa uu sheegay madaxweynaha in ra’iisul wasaaraha Itoobiya uu ka arkay weji wanaagsan oo uu u arkay in Soomaaliya iyo Itoobiya markaan wax is tari karaan.

Heshiiska dekadaha ayuu sheegay inuu waxbadan ka bedali karo xaaladda dalka, islamarkaana Labada dal aanay dhaqaalo u ahayn dhismahooda, balse dalal iyo shirkado badan ay maalgashi ku sameyn doonaan.

Cid walbo oo maalgashi ku sameysaneysa dekada dalka ayuu sheegay iney soo dhoweynayaan, waliba haddii ay ka bataan Afarta hadda lagu heshiiyey, sababtuna wuxuu ku sheegay in ay wanaagsan tahay in dalkeenna uu noqdo meel dekado badan oo ka faa’ideysta maraakiibta aagga dalka maraya.

Halkaan hoose ka dhageyso:

Goobjoog News