Shirka Looga Hadlayo Arrimaha Soomaaliya Oo Maanta Ka Furmaya Brussels

Maanta oo Isniin ah ayaa lagu wadaa in magaalada Brussels ee dalka Belgium-ka uu ka furmo shir ballaaran oo looga hadli doono arrimaha Soomaaliya.

Shirkan oo socon doona 16-17 bishan July 2018, ayaa waxaa ka qeybgalaya madaxweynaha dowladda federaalka Soomaaliya, kuwa maamul goboleedyada, wasiirro iyo xubno ka tirsan bulshada rayidka ah.

Waxaa sidoo kale shirkan ka qeybgali doona dalalka daneeya arrimaha Soomaaliya, UN, EU, AU,IGAD, Bankiga Adduunka, hay’adda lacagta adduunka ee IMF iyo Jaamacadda Carabta.