Xiriirka Wasaaradda kalluumeysiga DSF Iyo Kuwa Maamul Goboleedyada Oo Go’ay

Wasaaradaha Kalluumeysiga ee Maamul goboleedyada dalka ayaa xiriirka u jaray wasaaradda kalluumeysiga iyo kheyraadka badda xukuumadda Soomaaliya.

Wasiir ku xigeenka Kalluumeysiga iyo kheyraadka badda ee Maamulka Puntland Cabdiraxman Sheekh Salaad oo akhrinayay warsaxaafadeedka ay soo saareen wasaaradaha Kalluumeysiga ee maamul goboleedyada ayaa daliil u soo jeediay wasaaradda kalluumeysiga ee DFS waxaa uuna yiri.

“Markaan aragnay baahida loo qabo Maareynta iyo ilaalinta ka faa’deysiga Kheyraadka badda, markaan aragnay Baahida loo qabo siyaasad mideysan ee heer Fedaraal iyo mid maamul goboleed, Markaan garwaaqsannay Maqnaashiyaha hoggaamineed ee wasaaradda Kalluumeysiga DFS taasi oo keentay habacsanaan khilaaf joogta ah burinta heshiisyadii la galay sidaas daraadeed waxaan garwaaqsannay hakinta wadashaqeynta wasaarradd Kalluumeysiga ee DFS iyo Maamul goboleedyada”.