Muuse Biixi Oo Ka Hadley Qaraxii Buuhoodle

Madaxweynaha Somaliland Muuse Biixi Cabdi ayaa dhambaal tacsi ah u diray dadkii ay waxyeelladu ka soo gaadhay qaraxii shalay ka dhacay magaalada Buuhoodle.

Madaxweynaha ayaa laamaha ammaanka ku adkeeyay in ay baadhitaan buuxa ku sameeyaan siday wax u dhaceen gacantana kusoo dhigaan ciddii falkaas ka dambeysay.

Qoraal kasoo baxay madaxtooyada Somaliland oo uu ku saxiixnaa afhayeenka madaxweynaha ayaa lagu yidhi; “Xukuumadda Somaliland, marnaba ma aqbalayso, umana dul-qaadan doonto cid kasta oo isku dayda waxyeello, dhibaato iyo falal amni-darro ah inay ku qaaddo shacbiga iyo dalka Jamhuuriyadda Somaliland.”