Erdogan: Dilka Khashoggi Wuxuu Ahaa Mid Qorsheysan Iyo Boqor Salmaan Oo La Kulmay Reer Khashoggi

Madaxweynaha Turkiga Recep Tayyip Erdogan ayaa u sheegay xildhibaannada xisbigiisa in dilka Jamal Khashoggi uu ahaa mid horay loo sii qorsheeyey, isaga oo intaasi raaciyey in Turkiga ay hayaan caddeymo dhab ah oo muujinaya in Jamaal si xun loogu dhex dilay qunsuliyadda.

Madaxweyne Tayyip Erdogan waxaa uu soo-jeediyey in lala xisaabtamo kor iyo hoos dadkii mas’uulka ka ahaa dilka Jamal Khashoggi.

Dhinaca kale Erdogan waxaa uu dalbaday in 18-kii qof ee arrintaas ku lugta lahaa dhammaan lagu maxkamadeeyo Istanbul.