Xildhibaan Cabdi Xaashi “Xaaf Wuu Ku Qaldanaa In Doorashada Galmudug Ku Wareejiyo DFS” (Dhageyso)

Xildhibaan Cabdi Xaashi oo ka mid ah mudanayaasha baarlamaanka ee dowlad goboleedka Galmudug ayaa wareysi uu siiyey Goobjoog News, ku sheegay in madaxweyne Xaaf aanu xaq u lahayn u wakiilashada wasaaradda arrimaha gudaha DFS ee doorashooyinka Galmudug.

Wuxuu sheegay in madaxweyne Xaaf qoraalkii uu soo saaray u muuqday mid shaqada baneeyey, islamarkaana mas’uuliyadda Galmudug ay haatan saaran tahay madaxweyne ku xigeenka.

Xildhibaan Xaashi ayaa tilmaamay in qalad ay tahay wareejinta doorashada Galmudug, islamarkaana xad-gudub ay tahay wuxuu sameeyey madaxweyne Xaaf, waa sida uu hadalka u dhigaye.

Dhinaca kale, xildhibaanka ayaa sheegay in iyagu ay shaqada la wadi doonaan madaxweyne ku xigeenka Galmudug, maadaama xaaf uu iska wareejiyey shaqooyinkiisa.

Halkaan hoose ka dhageyso:

Goobjoog News