Guddoonka baarlamaanka Puntland oo magacabay xubna kamid noqonaya guddiga doorashooyinka
Sheeko:War
Guddoomiyaha baarlamaanka dowlad gobaleedka Puntland Cabdirashid Yusuf Jabriil, ayaa magacabay xubna u sharaxan kamid noqoshada guddiga doorashada Puntland.
Jabriil ayaa magacaabis ku sameeyay laba mas’uul oo kamid noqonaya guddiga doorashada Puntland, kuwaas oo lagu wado in dhawaan ay helaan codka kalsoonida baarlamaanka.
Xubnaha la magacabay ayaa kala ah :
1. Cabdiraxmaan Cabdilaahi Jaamac (Dayax)
2. Mahad Bashir Nuur
Labadan mas’uul ayaa ka soo kala jeeda Sanaag iyo Nugaal, waxa ayna beddelayaan saamiga guddoomiyihii hore ee guddiga Guuleed Saalax iyo ku-xigeenkiisii Jaamac Faarax.
Goobjoog News