Siciid Deni oo Markale Ku Guuleystay Doorashada Madaxweynaha Puntland

Published January 8, 2024 - Updated January 8, 2024

Akhris 2 daqiiqo ah

Siciid Cabdulahi Deni ayaa mar kale ku guulaystay xilka Madaxweynaha dowlad goboleedka Puntland, kadib doorashadii saaka ka dhacday xarunta Baarlamaanka ee magaalada Garoowe, Deni 35 cod ka helay wareegii 1-aad oo ah kala bar in ka badan tirada guud ee Baarlamaanka maamulka Puntland.

Musharrax Guuleed Saalax Barre oo ku soo xigay ayaa helay 9 cod halka Abshir Cumar Huruuse oo kaalinta saddexaad galay uu helay 8 cod waxaana sidaas wareegga labaad ugu gudbay saddexdaasi musharrax Siciid Deni 1, Guuleed Saalax Barre 2, Abshir Cumar Huruuse 3 ka galay doorashada.

Madaxweyne Siciid Deni ayaa wareegga labaad helay 40 cod halka musharrixiintii ku soo xigay ee Guuleed Saalax Barre uu helay 17 cod, iyo Abshir Cumar Huruuse kala helay iyo 9 cod, codadkii ay dhiibteen dhibaannada golaha Wakiillada Puntland, taas oo ka dhigan inuu Deni dib u soo laabtay.

Ugu danbayntii Siciid Deni ayaa wareeggii saddexaad kaga adkaaday musharrax Madaxweyne Guuleed Saalax Barre waxaana uu helay helay 45 cod, sidaas mar kale ku noqday Madaxweynaha Puntland, Deni ayaa noqonaya madaxweynihii ugu horeeyay ee Puntalnd ee dib loo doorto muddo xileedkiisa labaad.

Siciid Cabdullaahi Deni ayaa Puntland hoggaamin doona 5-ta sano ee soo socota, waxaana xusid mudan in dhowaan uu ka tanaasulay doorashada qof iyo cod oo muddo la isku mariwaayey, waxaana la filayaa in Madaxweyne Siciid Deni loo dhaariyo xilka madaxweynaha waxaana loo gudbi madaxweyne ku-xigeenka.

Siciid Deni oo Markale Ku Guuleystay Doorashada Madaxweynaha Puntland

Ka hel Goobjoog wixii cusub.

From the comments